Heft Reng

ferat evren Heftreng'de yazar → Derûniya Hebûnê: Ziman û Kurd Jiyan bi zimanê dayikê li ser xaka kevnar bilind dibe; dibe wateya jiyanê û nasnameya gelekî. Her milet bi zimanekî dest bi jiyanê dike û dijî. Ziman dibe bingeha têkiliya hemû jiyana ku mirov tê de dijî. Hinek ziman di nava dîrokê de dibin zimanên dewletê. Ev devlet zimanê xwe hem bi gotin hem jî bi nivîsandinê diparêzin. Bi nivîsandinê dîrok, wêje, ol û zagon hwd. berdewam dikin. Bi nivîsandinê re xwendin dest pê dike û ziman roj bi roj pêş dikeve, di pêşerojê de hebûna xwe diparêze. Hinek milet dibin desthilatdar û mêtingehan ji bo xwe ava dikin. Li wan mêtingehan, ne tenê di aliyê aborî de, di aliyê ziman de jî zextê dikin. Zimanê dewleta emperyalîst li wan deran dibe zimanê dibistanê. Ew zimanê bindest roj bi roj di bin bişavtineke giran de dimîne, heta ku ew ziman wenda bibe Û neyê axaftin. Di nava dîroka cîhanê de heta niha bi hezaran ziman wenda bûne û bi hezaran zimanên din jî li ber mirinê...

Hemîd Heftreng'de yazar → Wextekê jin û mêrek hebûne; navê mêr Şaptirîk, navê jinikê jî Werdek bûye. Şaptirîk yekî newêrek û tirsok bûye. Ew herî pir ji rovîyan ditirsiye. Wî ji ber tirsa roviyan ji sibê heta êvaran di hundurê tendurê de xwe vedişartiye. Jina wî Werdekê ji wî re nan dihanî li ber tendûrê û didaye wî ku di hundurê tendûrê de bixwe. Eger derî li paş wê hinekî vekirî bima wî dikir qêrîn; Derî bigirin!!! Rûvî wê werin min bixwun. Rojekê bi şîreta Eloyê gavan Werdek kadeyan çêdike û hildide diçe li ser malê ji qulikeke malê re çend kadeyan davêje hundur. Werdek çend heb kade jî li ber derî direşîne û tê li nêzike tendûra Şaptirîk hinekan jî dixwe. Şaptirîk dibîne ku Werdek tiştekî dixweye û ji wê dipirse; + Ew çi bûn ji qulika malê re diketin, te ew kade ji ku hanîn? - Li derva kade dibarin. + Ka hinek kadeyan bide min jî, çima qet nayên li cem min nakevin! - Tu ji vê qulikê dernakevî ku. Here li derva binêre; her der tijî kade bûne, ji xwe re bî...